Mastercard ni mojawapo ya mitandao ya malipo inayoongoza duniani, inayowezesha mabilioni ya miamala kila mwaka kati ya wamiliki wa kadi, wafanyabiashara na benki. Katika makala hii fupi, tutachunguza jinsi Mastercard inavyofanya kazi na inatoa huduma gani kwa watumiaji wake.
Jinsi Mastercard Inavyofanya kazi
Mastercard huwawezesha wenye kadi kufanya ununuzi kwa kutumia kadi zao za mkopo au benki, iwe ni dukani au mtandaoni. Wakati mwenye kadi anatumia Mastercard yake, mchakato ufuatao hufanyika:
Uidhinishaji: Lango la mahali pa kufanyia malipo au lango la malipo ya mtandaoni hutuma ombi kwa Mastercard ili kuthibitisha kwamba kadi ni halali na ina pesa za kutosha.
Uidhinishaji wa Mtoaji: Mastercard huelekeza ombi la uidhinishaji kwa benki mmiliki wa kadi, ambayo hukagua akaunti ya mwenye kadi ili kuona kama kuna fedha za kutosha kukamilisha muamala.
Idhinisha au Kukataa: Ikiwa kuna kiwango cha kutosha, benki husika hutuma ujumbe wa kuidhinisha malipo kwa Mastercard, na kisha kutuma ujumbe wa idhini kwa mfanyabiashara. Ikiwa kiwango hakitoshi, benki husika hutuma ujumbe wa kukataa kwa Mastercard, ambayo nayo hutuma ujumbe wa kukataa kwa mfanyabiashara.
Kukamilisha Muamala: Baada ya muamala kuidhinishwa, mfanyabiashara hutuma ombi kwa Mastercard ili kuhidhinisha shughuli hiyo, ambayo inahusisha kuhamisha fedha kutoka kwa akaunti ya mwenye kadi hadi kwa akaunti ya mfanyabiashara.
Ulipaji na Ulipwaji: Mastercard huchakata ombi la malipo na kuelekeza kwa benki mwenye kadi, ambayo kisha huamisha salio kutoka kwenye akaunti ya mteja na kuziingiza kwenye akaunti ya mlipwaji, yaani mfanyabiashara.
Katika mchakato huu wote, Mastercard huhakikisha usalama wa muamala kwa kutumia usimbaji fiche (encryption) na hatua nyingine za kiusalama ili kulinda taarifa nyeti. Zaidi ya hayo, Mastercard ina mifumo ya kutambua ulaghai ili kufuatilia miamala na kutambua ulaghai wowote unaoweza kufanyika.
Nini Faida za Kutumi Mfumo wa Mastercard
Mbali na kuwezesha miamala, Mastercard inayo manufaa mengi kwa watumiaji wake, ikiwa ni pamoja na:
Kukubalika Ulimwenguni: Mastercard inakubaliwa na mamilioni ya wafanyabiashara ulimwenguni kote, na kuifanya kuwa njia rahisi na salama ya kufanya manunuzi unaposafiri au mtandaoni.
Programu ya Zawadi: Kadi nyingi za Mastercard hutoa programu za zawadi, kama vile kurudishiwa pesa, au pointi, ambazo wenye kadi wanaweza kupata kila unaponunua.
Usalama wa Uhakika: Mastercard hutoa huduma za hali ya juu za usalama wa kimtandao kwa wamiliki wake wa kadi, ikiwa ni pamoja na ufuatiliaji wa wakati halisi miamala inapofanyika, taarifa za miamala inayotiliwa shaka na ughairishaji wa haraka kwa manunuzi ambayo hayajaidhinishwa.
Malipo ya Kielektroniki: Mastercard hutoa malipo ya kielektroniki, ambayo huwaruhusu wenye kadi kufanya manunuzi haraka na kwa usalama kwa kubofya kitufe 1 au 2.
Malipo ya Simu: Mastercard pia imeunganishwa na mifumo inayoongoza ya malipo ya simu ya mkononi, kama vile Apple Pay, Google Pay, na Samsung Pay, M-Pesa, Airtel na hivyo kuwaruhusu watumiaji wa kadi kufanya manunuzi moja kwa moja kupitia simu zao.
Hitimisho
Mastercard ni mtandao wa malipo pendwa unaowezesha miamala kati ya watumiaji wa kadi, wafanyabiashara na benki, na kutoa njia salama na rahisi ya kufanya manunuzi. Iwe unafanya ununuzi dukani, mtandaoni au unaposafiri, Mastercard inakuhakikishia usalama wa hali ya juu katika mifumo yake.
